صفاء فتحي
شهد مسلسل جعفر العمدة في الحلقة 23، حالة بكاء من زوجات جعفر الثلاثة “ثريا، نرجس، دلال”.
وكانت الأكثر تأثرا بينهم نرجس “منة فضالي”؛ حيث تقول في حوار الحلقة: “مجمعتتنيش بيه فرشة واحدة بقالي قد ايه، أنا اتجوزت جعفر العمدة ليه دأنا غلبانة أوي، قولتلها ده متجوز اتنين ياما قالتلي لا ده جعفر العمدة بقيت بقول على كل حاجة ماشي يبدل ليلتي بليلة تانية أقول وماله يهجرني بالأسبوعين والتلاتة أقول ده جعفر العمدة، سألت نفسي امبارح هو انتي قليلة ولا جعفر اللي كبير عليكي.. أنا عاملة زي ركاب القطر بتوع الدرجة التالتة وجعفر الدرجة الأولى اللي عمرهم ما هيتقلبوا الا أما القطر يوصل في المحطة بس القطر مبيوصلش، كنت راضية براجل يديني ربع وقته على الأقل يديني الخلفة بحلم إنه يدخل عليا يوم ويقولي أنا وافقت يا نرجس تحملي وأما واقف من خوفي منه سقطت وأما قالها قولت أحمل تاني قال اللي هتحمل هفارقها كأني بدخل من باب ألاقي باب تاني وتالت ورابع مبقتش عارفة اعد البيبان ولا فارق معايا ادور على المفاتيح قولت كفايا أعلق نفسي بحبال دايبة”.
ووجهت نرجس كلامها لـ ثريا، قائلة: “انت يا ثريا بتعلقي نفسك بحبال دايبة ابنك مش هتلاقيه الاحسن تحملي تاني”، لترد عليها ثريا: “اخص عليكي قولي كلمة حلوة حتى لو بتقولي الحقيقة اكدبي وقولي ابنك هيرجع يا ثريا وهتاخديه في حضنك من تاني”.
